Related Posts
Category : National
કાશ્મીર માટે અમિત શાહે બનાવ્યો નક્કર પ્લાન, કહ્યું- ઘાટીમાં આતંકવાદને અટકાવો.
કેન્દ્રીય ગૃહ પ્રધાન અમિત શાહે રવિવારે જમ્મુ-કાશ્મીર પર ઉચ્ચ સ્તરીય સુરક્ષા બેઠકની અધ્યક્ષતા કરી હતી. તેમાં અમરનાથની આગામી વાર્ષિક તીર્થયાત્રા માટેની સુરક્ષા વ્યવસ્થા અને ‘તાજેતરના આતંકવાદી હુમલાઓને ધ્યાનમાં રાખીને જમ્મુ ક્ષેત્રમાં વર્તમાન સુરક્ષા સ્થિતિ’ની સમીક્ષા કરવામાં આવી હતી.
ગૃહ પ્રધાન અમિત શાહે એજન્સીઓને નિર્દેશ આપ્યો છે કે તેઓ જમ્મુ અને ઝીરો ટેરર પ્લાનમાં એરિયા ડોમિનેશન પ્લાન દ્વારા કાશ્મીર ખીણમાં મળેલી સફળતાઓને ફરી મેળવવા પ્રયાસ કરવામા આવે. તેમણે કહ્યું કે મોદી સરકાર નવીન પદ્ધતિઓ દ્વારા આતંકવાદીઓ વિરુદ્ધ કાર્યવાહી કરીને એક ઉદાહરણ સ્થાપિત કરવા કોઇ કચાસ બાકી રાખવા માગતી નથી
ગૃહમંત્રીએ તમામ એજન્સીઓ પર મિશન મોડમાં કામ કરવા અને સંકલિત રીતે ત્વરિત પ્રતિભાવ સુનિશ્ચિત કરવા ભાર મૂક્યો હતો. સુરક્ષા એજન્સીઓ વચ્ચે એકીકૃત સંકલન પર ભાર મૂકતા, અમિત શાહે સંવેદનશીલ વિસ્તારોની ઓળખ અને તેમની સુરક્ષા પર ધ્યાન કેન્દ્રિત કરવાનો નિર્દેશ આપ્યો.
નવી દિલ્હીમાં યોજાયેલી આ બેઠકમાં કેન્દ્રશાસિત પ્રદેશની સુરક્ષા સ્થિતિની સમીક્ષા કરવામાં આવી હતી. આ સાથે જ અમરનાથ યાત્રા માટે સંપૂર્ણ સુરક્ષા કવચ, યાત્રાના માર્ગો પર વિશેષ સુરક્ષા વ્યવસ્થા, રાજમાર્ગો પર વધારાના સુરક્ષા દળોની તૈનાતી, જમ્મુ-કાશ્મીરમાં તમામ તીર્થસ્થળો અને પ્રવાસન સ્થળો પર તકેદારી રાખવાનું પણ આહ્વાન કરવામાં આવ્યું હતું. ગૃહમંત્રીની અધ્યક્ષતામાં બોલાવવામાં આવેલી આ બેઠકમાં એનએસએ અજીત ડોભાલ, એલજી મનોજ સિન્હા, આર્મી ચીફ જનરલ મનોજ પાંડે, લેફ્ટનન્ટ. જનરલ ઉપેન્દ્ર દ્વિવેદી, સીએસ દુલુ, ડીજીપી સ્વેન, એડીજીપી વિજય કુમાર અને અન્ય ઉચ્ચ અધિકારીઓએ હાજરી આપી હતી.
સૂત્રોના જણાવ્યા અનુસાર, શાહે જમ્મુ અને કાશ્મીરના લેફ્ટનન્ટ ગવર્નર મનોજ સિંહા અને કેન્દ્રશાસિત પ્રદેશના ટોચના સુરક્ષા અધિકારીઓને ‘જમ્મુ ક્ષેત્રમાં ઉભરતા આતંકવાદને યોગ્ય જવાબ આપવા અને કોઈપણ કિંમતે તેના પુનરુત્થાનને રોકવા’ નિર્દેશ આપ્યો હતો. પ્રવાસ માટે સંપૂર્ણ સુરક્ષા કવચ પર પણ ભાર મૂક્યો હતો.
સૂત્રોએ જણાવ્યું કે આ બેઠકમાં આર્મી ચીફ જનરલ મનોજ પાંડે, કેન્દ્રીય ગૃહ સચિવ અજય ભલ્લા, આઈબીના ડાયરેક્ટર તપન ડેકા, સીઆરપીએફના ડીજી અનીશ દયાલ સિંહે હાજરી આપી હતી. બેઠકમાં જમ્મુ અને કાશ્મીરના એલજી મનોજ સિંહા, મુખ્ય સચિવ અટલ દુલ્લુ, ડીજીપી આરઆર સ્વેન, એડીજીપી વિજય કુમાર, વરિષ્ઠ સૈન્ય અધિકારીઓ અને જમ્મુ અને કાશ્મીરના ગુપ્તચર અધિકારીઓએ ભાગ લીધો હતો. આ બેઠકમાં રાષ્ટ્રીય સુરક્ષા સલાહકાર (NSA) અજીત ડોભાલ પણ હાજર હતા.
.
Load more
